Al lapin a C’haloup bepred

Gwechall patronez un davarn war ar maez, echu he deus Yvonne gant he labour 3 vloaz ’zo, ha bevañ a ra c’hoazh er memes lec’h. Ouzhpenn 80 vloaz ’zo ganti, hag en he herr eo avat ! Gwellaourez penn da benn eo hi, troet war-zu an amzer a-vremañ hag an dazont. Koulskoude e chom prezant-tre istor al lec’h en ostaleri kozh. Kalz tud a vez o tremen da welet Yvonne, hag hiziv eo Yann, ar skrivagner bigouter. E brezhoneg e vezont o kaozeal. E brezhoneg hepken, he yezh-vamm, e vez digoret he galon gant Yvonne, en ur ober he vad eus ar fed n’eo ket muiñ hi un dudenn publik. Ur gaozadenn don ha saourus !